Campaña de recollida de móbiles usados
Estes son os móbiles que recollimos no noso centro dentro da campaña “Mobilizate polaselva” organizada polo Instituto “Jane Goodall” e no que colabora o CEIDA. Con esta campaña queremos dar a coñecer o problema xerado polo consumismo e pola falta de concienciación coa problemática da explotación do coltan.
Esperemos que no futuro SER sexa máis importante que TER.
Exposición dos rapaces
Expoñendo o noso traballo
Os nosos posters
O 19 de xuño de 2013 fomos a Pontevedra para participar na I Xuntanza de Xóvenes pola Sostibilidade e a Paisaxe. Foi inaugurada por Don Francisco Castillo e participaron colexios de Cataluña, Canarias, Rioja ou Pais Vasco, ademais dos centros de Galicia.
O que máis nos gustou foi coñecer a outros rapaces e rapazas e ver os seus proxectos e intercambiar experiencias.
Moitas grazas á todos e todas pola amabilidade recibida e gracias á organización do congreso.
Finalizamos este curso escolar cos obradoiros que realizamos en 4º A e B de primaria e en 5º e 6º B. Amosámoslles o noso traballo ao longo do curso e aprendémoslles a facer unhas carteiras con tetrabricks. Aquí tedes as fotos:
Obradoiro en 6º B
Obradoiro en 5ºB
Obradoiro en 5ºB
Esta semana estivemos tamén organizando unha campaña de recollida de móbiles no noso cole e repartimos tamén información para as casas, para que as familias se conciencien sobre o problema que xenera tanto consumismo de productos tecnolóxicos.
Para levalo a cabo puxémonos en contacto co CEIDA que xa leva tempo traballando neste tema e que xusto este sábado ofrecen unha conferencia sobre o problema.
Enviáronnos cartaces e información que distribuimos entre as familias e o colexio, informamos aos alumnos e alumnas e estamos a recoller os móbiles que estes nos traen.
A vindeira semana enviaremos todos os recollidos ao CEIDA.
Esta semana realizamos obradoiros cas nenas e os nenos de infantil C e segundo A de primaria, espero que fose tan proveitoso para eles como entretido para nós.
Facendo o noso gato con cartón sobrante
Hoxe estrenámonos como mediadoras pola reciclaxe por medio dun obradoiro coas nenas e nenos de Infantil B. Comezamos cunha obriña de títeres que nós mesmas ideamos para logo amosarlles como divertirse reutilizando o cartón para facer animaliños.
Finalmente insistimos na importancia botar o lixo nos sitios axeitados e colaboramos coa campaña de recollida de móbiles vellos que organiza o CEIDA. Encantounos a experiencia!
Grazas aos nenos e nenas de Infantil B pola súa acollida e a profesora Ana pola súa axuda e colaboración.
Os alumnos de 1º de ESO xunto co seu profesor de plástica Adolfo Barcia realizaron a seguinte instalación onde nos amosan de forma ben clara o lixo producido por unha familia de cinco persoas durante un mes… así vemos claramente o problema que temos!
Lixo dunha familia de 5 membros durante un mes: 1 metro cúbico
Os nosos congresistas
Vista xeral dos asistentes
O 23 de abril ademais de ser o día do libro celebrouse o congreso Re-Acción de centros escolares organizado polo CEIDA no Castelo de Santa Cruz de Oleiros (fermosísimo pazo que pertenceu no pasado a dona Emilia Pardo Bazán.
Foi un día soleado e cheo de boas prácticas de xestión de residuos e sostibilidade. Moitas grazas aos organizadores e parabéns aos outros colexios participantes que nos aprenderon moitas cousas ben útiles!
Os alumnos e alumnas de 1º de ESO decidimos axudar á conservación do medio ambiente coas seguintes pequenas accións:
– Apagar os interruptores pola noite.
– Pechar a billa mentres nos cepillamos os dentes.
– Utilizar o papel polas dúas caras.
– Coller auga na fonte.
– Facer pulseiras cos aneis de lata para regalar.
– Reutilizar as caixas de zapatos decorándoas.
– Facer obxectos decorativos con latas e chapas.
– Aforrar auga no lavado da louza.
– Non estragar papel.
– Conseguir o reciclado de baterías e tonners
– Reutilizar os botes de cristal.
– Reducir o número de envases de botellas.
E ti? cal é o teu compromiso?
